Amdanom Ni
Ein cenhadaeth
Rydyn ni’n cynnig cymorth fel bod pobl yn gallu gwneud y pethau maen nhw’n caru eu gwneud, cyflawni eu hamcanion a byw bywydau da, gan sicrhau bod gan bawb lais, dewis a rheolaeth. Dyna beth mae Mirus yn ei wneud.
Rydyn ni’n hyrwyddo hawliau pobl anabl a’u teuluoedd, gan ddangos yr hyn sy’n bosibl drwy ddileu rhwystrau a herio canfyddiadau mewn cymdeithas.
Ein cefnogaeth
Rydyn ni’n cefnogi pobl ag anableddau dysgu, salwch meddwl, pobl awtistig a’u teuluoedd.
Mae ein gwasanaethau cymorth yn cael eu llunio gan y bobl sy’n eu defnyddio. Rydyn ni’n gwrando ar lais a phrofiadau unigryw pob person, gan sicrhau bod gan bawb ddewis a rheolaeth ym mhopeth maen nhw’n ei wneud – gan gynnwys sut maen nhw’n cael eu cefnogi.
Y gwasanaethau cymorth a gynigiwn:
– Byw â chymorth ar y cyd
– Byw’n annibynnol â chymorth
– Cymorth cymunedol hyblyg
– Seibiant a seibiannau byr
Ein cymunedau
Rydyn ni’n gwybod bod gan bobl fywydau gwell pan fyddan nhw’n teimlo’n rhan o’u cymuned leol – ac mae’r gymuned yn elwa hefyd!
Rydyn ni’n gweithio gydag eraill yn y gymuned i adeiladu rhwydweithiau sy’n annog pobl i archwilio cyfleoedd, darganfod diddordebau newydd, datblygu perthnasoedd a gwella eu hannibyniaeth.e.
Cymru gynhwysol
Rydyn ni’n hyrwyddo hawliau pobl ag anableddau dysgu, salwch meddwl, pobl awtistig a’u teuluoedd, gan ddangos yr hyn sy’n bosibl drwy ddileu rhwystrau a herio canfyddiadau mewn cymdeithas.
Ein gwerthoedd
Cawn ein harwain gan ein gwerthoedd cryf; Gyda’n Gilydd, Parchus, Cyfrifol, Grymusol a Dewr.
Ein gwerthoedd yw sylfaen popeth a wnawn ym Mirus, gan lunio ein dull a’n penderfyniadau.
Drwy fyw’r gwerthoedd hyn, rydyn ni’n sicrhau ein bod yn cael effaith barhaol a chadarnhaol ar fywydau pobl.
Lle rydym yn gweithio
1. Powys
2. Gwent
3. Caerdydd a Bro Morgannwg
4. Pen-y-bont ar Ogwr
5. Castell-nedd Port Talbot
6. Abertawe
7. Sir Gaerfyrddin
Ein Hymddiriedolwyr
Rydyn ni’n cael ein llywodraethu gan Fwrdd Ymddiriedolwyr – gwirfoddolwyr sy’n ein helpu i gyflawni ein nodau drwy sicrhau ein bod bob amser yn gweithio tuag atyn nhw.
Mae ein Hymddiriedolwyr yn cyfarfod bob tri mis i adolygu ein gwaith a sicrhau ein bod yn rhoi’r cymorth cywir.
Sut cawn ni ein hariannu
Rydyn ni’n sefydliad dielw, sy’n cael ei ariannu mewn amrywiaeth o ffyrdd gan gynnwys drwy wasanaethau cymorth sy’n cael eu comisiynu gan awdurdodau lleol a byrddau iechyd, gwasanaethau cymorth unigol sy’n cael eu hariannu’n breifat, a thrwy roddion elusennol a chodi arian.
Mae gennym berthynas waith gadarnhaol ag Arolygiaeth Gofal Cymru a Gofal Cymdeithasol Cymru.
Ein prif flaenoriaethau yw:
1. Cefnogi pobl i fyw bywydau da
2. Buddsoddi yn ein staff
3. Tyfu’n gynaliadwy
4. Dylanwadu ar ein hamgylchedd
Rydyn ni’n falch o fod yn sefydliad Cymreig, ac rydyn ni wedi ymrwymo i ddatblygu’n barhaus y gwasanaethau, y cymorth a’r wybodaeth a ddarparwn yn y Gymraeg.
